Jarrai Gaitzazu

JARRAI GAITZAZU

Home  /  Master Ofizialak  /  Musika-arloko Bitartekaritza, Kudeaketa eta Zabalkundeko masterra

Musika-arloko Bitartekaritza, Kudeaketa eta Zabalkundeko irakaskuntza artistikoen masterra

Goi Mailako Hezkuntzako Kualifikazioen Espainiako Esparruko (MECES) 3. mailako eta Kualifikazioen Europako Esparruko (EQF) 7. mailako titulazioa.

Masterraren Homologazio ziurtagiria

2026-27 SARRERA PROBAK: LEHENENGO DEIALDIA

Zergatik ikasi Musika–arloko Bitartekaritza, Kudeaketa eta Zabalkundeko Masterra Musikenen?

Industriako profesionalekin hartu-emana

Lan-ingurunearen bisio erreala izango duzu.

Proiektu sozial eta hezkuntza ingurukoak

Musika-proiektu sozialetan adituak modu praktikoan trebatzen dituen Estatuko master ofizial bakarra (120 ECTS)

Etorkizunean enplegua

Presta zaitez musikaren sektorean sortzen ari diren lanetarako.

Diziplinarteko formazioa

Eszena, ekoizpena, komunikazioa edo berrikuntza pedagogikoa bezalako diziplinatan forma zaitez.

Sarbidea

Musikariez gain, bestelako diziplinetan Graduatutakoei ere zuzendua, hala nola Psikologia, Hezkuntza edo Gizarte Lana.

Irakaskuntza erdipresentziala

Donostian bizi ez bazara eta malgutasuna behar baduzu, hau da zure Masterra.

Informazioa

IZEN-EMATEA: 2026ko apirilaren 15etik maiatzaren 15era
SARRERA PROBAK: merituen balorazioa 2026ko ekainaren lehenengo hamabostaldian
MATRIKULAZIOA: ONLINE 2026ko ekainean
EGUTEGI AKADEMIKOA: 2026ko irailaren amaieratik 2027ko ekainera
PLAZA ESKAINTZA: 20

HARREMANETARAKO

Informazio gehiago behar izanez gero, idatzi mezu bat helbide honetara: master@musikene.eus

Musikene. Euskal Herriko Goi Mailako Musika Ikastegia.
BITARTEKARITZA, KUDEAKETA ETA ZABALKUNDEKO MASTERRA
Europa Plaza 2
20018 Donostia-San Sebastián
Gipuzkoa

MASTERRAREN EGITURA

Masterrak 120 ECTS kreditu ditu guztira. Honela banatzen dira:

    • Tituluaren kreditu kopurua guztira: 120 ECTS
    • Derrigorrezko ikasgaiak: 75
    • Aukerako ikasgaiak: 12 ECTS
    • Praktikak: 16 ECTS
    • Master Bukaerako Lana: 17 ECTS
IKASKETA-PLANA
1. MAILA
URTEKO IRAKASGAIAK ECTSak
DER Proiektuen laborategia I 12
DER Lanbide-garapena 5
DER Musikaren soziologia: entzuleak eta testuinguruak 7
DER Musika Bitartekaritzaren teoria eta metodologia 7
LAUHILEKO IRAKASGAIAK
LEHEN LAUHILEKOA		 ECTSak
AUK Aukerakoa 1 6
MAL Ikerketaren metodologia 5
LAUHILEKO IRAKASGAIAK
BIGARREN LAUHILEKOA		 ECTSak
DER Berrikuntza pedagogikoa: baliabideak eta materialak diseinatzea I 7
DER Musika-arloko kudeaketa eta produkzioa I 3
P Kanpoko praktikak I 8
2. MAILA
URTEKO IRAKASGAIAK ECTSak
DER Proiektuen laborategia II 12
DER Prestakuntza eszenikoa 10
LAUHILEKO IRAKASGAIAK
HIRUGARREN LAUHILEKOA		 ECTSak
DER Musika-arloko kudeaketa eta produkzioa II 3
DER Berrikuntza pedagogikoa: baliabideak eta materialak diseinatzea II 3
AUK Aukerakoa 2 6
P Kanpoko praktikak II 8
LAUHILEKO IRAKASGAIAK
LAUGARREN LAUHILEKOA		 ECTSak
DER Komunikazioa: kudeaketa, zabalkundea, berrikuntza 6
MAL Master Bukaerako Lana 12
Edukiak, Metodologia eta Konpetentziak
EDUKIAK

Masterrak sei moduluko egitura du:

    • I. modulua, derrigorrezkoa, musika bitartekaritza: musika bitartekaritzari eta kudeaketari eta hezkuntza berrikuntzari buruzko ikasgai espezifikoak biltzen ditu.
    • II. Modulua, proiektuen sorkuntza: ikasleek, praktikatik abiatuta, musikak hainbat gizarte eta kultura testuingurutan mezuak, ekintzak eta esku-hartzeak bideratzeko dituen aukerak esperimentatzeko gaitasunak garatzea du ardatz.
    • III. Modulua, musika kudeaketa eta difusioa: ikasleek musikaren errealitate profesionala ezagutzeko gaitasunak garatzea du ardatz; era berean formazioa osatzen duten beste irakasgai batzuk ere biltzen ditu, haien espazioak, egitura eta funtzionamendua, eta proiektuak komunikatzeko nahiz kudeatzeko dauden aukera desberdinak sakon ezagutzeko. Horretarako, musika erakundeak, haien espazioak, egitura, funtzionamendua eta komunikatzeko eta proiektuak kudeatzeko aukerak sakon ezagutu behar dituzte.
    • Aukerako IV. modulua: derrigorrezko moduluetan jada aurkeztu diren ezagutza zabaltzen duten jakintzak eskaintzen ditu, arreta arte eta kultura abangoardian eta egungo gizarte-arazoetan jarriz, eta bitartekariaren zereginari testuingurua emanez.
    • Praktiketako V. modulua: hezkuntzaren eta/edo gizarte-lanaren esparruetan musika jarduerak egiten dituzten erakundeetan praktikak egiteko aukera eskaintzen du..
    • Master Bukaerako Lanaren VI. modulua: ikasleak masterrari dagozkion gaitasunak eskuratu dituela egiaztatzeko aukera izango du, eta Master Bukaerako Lana egin beharko du, jendaurrean aurkeztuko dena.
Metodologia
    • Irakaskuntza erdipresentziala, online eta aurrez aurreko eskolekin.
    • Eskola kolektiboak (Master Bukaerako Lana ezik).
    • Kanpoko praktikak, musikaren eta kulturaren arloetako bitartekaritzako eta kudeaketako esparruan musika jarduerak egiten dituzten erakundeetan.
    • Master Bukaerako lana jendaurrean defendatzea.
Konpetentziak
Hizkuntzak
    • Eskola kolektiboak gazteleraz ematen dira.
    • Banakako eskolak irakasleak eta ikasleak adostutako hizkuntzan emango dira (irakasleak nazioarteko jatorrikoak dira eta gehienetan hizkuntza bat baino gehiago menperatzen dute).
    • Ikastegiak, bere hizkuntza egitasmoaren bitartez, laguntza ematen du gaztelera, euskara, ingelesa, frantsesa eta alemaniera ikasteko.
    • Ingelesaren ezagutza gomendatzen da kontsulta bibliografikoak egin ahal izateko.
Sarbidea eta onarpena

Ikasleak merezimenduen balorazioaren bidez hautatuko dira.

Izen-ematea
    • Izena emateko datak: 2026ko apirilaren 15etik maiatzaren 15era
    • Interesdunek izena emateko eskabidea bete beharko dute, eta dokumentu hauek bidali beharko dituzte Musikeneko helbidera edo master@musikene.eus helbide elektronikora:
      1. Indarrean dagoen NAN, AIZ, erresidentzia txartela, identitate zedula edo pasaportea.
      2. Espediente akademikoa, betiere Master ikasketa ofizialak egin ahal izateko beharrezkoa den titulazioko irakasgai guztietako kalifikazioak zehaztuta.
      3. Curriculum Vitae
      4. Masterra zergatik egin nahi duen azaltzen duen motibazio gutuna eta hautagaiak aurkeztu nahi duen bestelako merezimendurik.
Ebaluaziorako eta baremaziorako irizpideak
  1. Masterrean sartzeko espezialitateari dagokion titulazioa (%30a): aurretik egindako ikasketen eta masterraren gaitasunen arteko kidetasunaren arabera.
    • Musika irakaskuntza artistikoen Graduko titulua, edo baliokidea
    • Unibertsitateko irakaskuntza ez musikaletan Graduko titulua edo baliokidea
    • Musika irakaskuntza profesionaletako titulua
    • Master titulua
  2. Espediente akademikoa (%20a): espediente akademikoaren bataz besteko nota, ziurtagiri ofizialean jasotako kalifikazioen arabera:
    • Bikain: %15 – %20
    • Oso ondo: %10 – %15
    • Nahikoa: %5 – %10
  3. Curriculum vitae (%20a):
    • Musika bitartekaritza, kudeaketa edo zabalkundearekin lotutako esperientzietan parte hartzea
    • Esperientzia artistikoak
    • Musika bitartekaritza, kudeaketa edo zabalkundearekin lotutako materietan irakasle lana
    • Kideko beste materia batzuetan irakasle lana
    • Boluntariotza
    • Nazioarteko esperientzia
    • Musika bitartekaritza, kudeaketa edo zabalkundearekin lotutako argitalpenak
    • Hizkuntza gaitasunak
  4. Motibazio gutuna eta beste merezimendu batzuk (%30a):
    • Motibazio gutuna
    • Gizarte eta hezkuntza ikuspegia
    • Azalpenaren koherentzia orokorra
    • Originaltasuna eta kreatibitatea
    • Komunikazioan kalitatea eta argitasuna
    • Bestelako merezimenduak
Epaimahaia

Epaimahaia ikastegiko hiru irakaslek osatuko dute, aztergai diren diziplinetan adituak direnak.

Erreklamazioak

Lortutako kalifikazioen aurka erreklamazioa aurkeztu ahal izango da hiru egun balioduneko epean, emaitzak argitaratzen direnetik zenbatzen hasita. Horiek ebatzi eta argitaratzeko epea gehienez hamar egun baliodunekoa izango da, erreklamazioak aurkezteko epea amaitzen denetik. Idatzizko eskaera formal baten bidez aurkeztutako kalifikazio-berrikusketak soilik bideratuko dira; eskaera horrek data eta sinadura izan behako ditu, indarren dagoen NAN, AIZ edo pasaportearekin batera, Ikasketen Antolamenduko zuzendariordetzari zuzendua, eta helbide honetara posta elektronikoz bidalia: reclamaciones@musikene.eus.

Sartzeko betekizunak

Ezinbesteko eskakizuna izango da hauetako titulazioren bat izatea:

    • Graduko titulua
    • Arte-irakaskuntzen Goi Mailako titulu ofiziala
    • Aurrekoen baliokide den edozein titulu, Goi Mailako Hezkuntzaren Europako Esparruko erakunde batek emana

Sartzeko aukera izango dute baita ere:

    • 2025-2026 ikasturtean zehar Graduko ikasketak amaitzen dituztenek.
    • Goi Mailako Hezkuntzaren Europako Esparruaz kanpoko hezkuntza-sistemen arabera tituludun direnak, betiere eskumeneko hezkuntza Administrazioak egiaztatzen badu formazio-maila baliokidea dutela.

Matrikula egitean, titulua (edo titulu-eskubideak ordaindu izanaren agiria) aurkeztu beharko da. Gaur egun azken maila egiten ari diren ikasleek 2026ko urriaren 15a baino lehen aurkeztu ahal izango dute dokumentazio hori.

Ikastegira itzultzea

Musikeneko ikasketak bertan behera utzi ondoren berriz ere hastea erabakitzen duten ikasleek, ikastegira itzultzeko eskaera egin dezakete 2026ko ekainaren 1etatik 10era. Interesa dutenek urrats hauek jarraitu beharko dituzte ezarritako epean:

Garrantzizkoa:

    • Ez dira onartuko ezarritako epez kanpo aurkeztutako eskaerak edo eskatutako dokumentu guztiak bidali ez dituzten eskaerak.
    • Ikastegiko organo eskudunak ebatziko ditu eskaerak, ikastegian dauden plaza libreak eta emandako dokumentazioa kontutan hartuta.
    • Eskaerei posta elektronikoz erantzungo zaie ekaineko bigarren hamabostaldian.
    • Ezinbesteko baldintza da ikastegian aurreko garaiko ordainketak, bai matrikula tasei dagozkienak bai eta gainontzeko ordainketak ere, egunean izatea.
Emaitzak
Irakasleak
Musika Bitartekaritza
Proiektuak sortzea
Musika-arloko kudeaketa eta zabalkundea
Hautzako irakasgaiak
Kanpoko praktikak
    • Praktikak I y II: Ikasle bakoitzak praktika tutore bat izango du
Master Bukaerako Lana
Matrikula eta Bekak
MATRIKULA
    • Matrikula urtero egingo da ezartzen diren epeetan.
    • Ikaslearen aukera izango da urtero matrikula osoa egitea (60 ECTS) edo partziala (kasu horretan lehenengo urtean 45 ECTSkoa izango da gutxienez).
    • Ikastegiak ikasturte bakoitzean ezarriko ditu matrikulan aldaketak eskatzeko epea. Nolanahi ere lauhileko bakoitzaren hasieran izango da.
    • Ikasleek Masterreko matrikula egiteko aukera izango dute Graduko azken urteko irakasgairen bat gainditu gabe izan arren: MBL eta gehienez irakasgai bat. Kasu horretan Graduko titulua lortu duela egiaztatu beharko du Masterreko titulua eskuratu ahal izateko.

Matrikularen prezioa:

    • Ikasturteko matrikula osoa (60 ECTS): 3.900 euro.
      • Master honetako kreditu bakoitzaren prezioa 65€koa da 1. Matrikulan eta 94€koa bigarren matrikulan eta hurrengoetan.
    • Ordainketa hiru epetan egingo da:
        • Herena matrikulatzerakoan.
        • Gainontzeko zenbatekoa bi zatitan, bat azaroan eta bestea otsailean
    • Musikenen titulua lortu zuen ikaslea bazara, %15eko beherapena izango duzu matrikularen prezioan.
KREDITUEN AITORTZA ETA TRANSFERENTZIA
    • Aurrez masterreko ikasketa ofizialak egin dituzten ikasleek kredituen aitortza eta transferentzia eska dezakete, edukiak eta konpetentziak gutxienez %75ean bat datozen irakasgaietan. Ez dira inolaz ere aitortuko praktikei edo Master Bukaerako Lanari (MBL) dagozkien kredituak
    • Kredituak aitortzea eskatzeko ezinbestekoa da ikastegian matrikulatua egotea, horrek esan nahi du ikastegian plaza lortu dela ezarritako prozeduraren bitartez.
    • Ikasleak matrikula burutzeko unean eskatu beharko du kredituen aitortza egitea.
    • Eskatutako kredituen ebazpena dagokion ikasturtea hasi aurretik emango da jakitera eta ikasleak erreklamaziorako epea izango du.
    • Onartzen diren aitortzak ikaslearen espediente akademikora igoko dira, bertan adieraziz aitortzen den ikasgaia, jatorrizko espedientean lortutako kalifikazioa, eta zein ikastegitan egin zen. Halaber, matrikularen zenbatekoa doituko da, matrikulazio kontratuan zehazten den moduan (aitortzen den kreditu bakoitzaren zenbatekoaren %35a).
BEKAK
Musikeneko master honetako ikasleentzat beka esklusiboak

Beka hauek azpian aipatzen diren beka orokorrekin bateragarriak dira.

    • 1.000 euroko bi beka sarrera probetan kalifikaziorik altuena lortzen duten ikasleentzat.
    • Gainera, Musikeneren laguntzarekin, Carasso Fundazioak Kultur Bitartekaritzan espezializatutako ikasketetarako ematen dituen 2.500 euroko hamalau beketara aurkez zaitezke.
Beka orokorrak:
Egutegiak eta ordutegiak

 

Ebaluazioa eta bertan jarraitzea
    • Ikasleek gehienez lau deialdi izango dituzte irakasgai bakoitza gainditzeko, masterraren mugen barruan (bi ikasturte gehituko zaizkio titulua gainditzeko beharrezkoak diren ikasturteei). Gaixotasun larri edo ihabilitatzailea duten kasuetan beste urte betez luzatu ahal izango da.
    • Bi deialdi izango dira ikasturte bakoitzean: ekaineko ohiko deialdia (lehenengo lauhileko irakasgaien kasuan otsailean) eta iraileko ezohiko deialdia.
    • Master Bukaerako Lana (MBL) ikasketa planeko gainontzeko irakasgaiak gainditu ondoren bakarrik ebaluatu ahal izango da.
    • Ebaluaziorako egutegia ikasturte bakoitza hasi aurretik emango da argitara. MBLen egun zehatzak gutxienez hamabost eguneko aurrerapenaz argitaratuko dira.
    • Ikasleek matrikulatutako gutxienez kredituen %15a gainditu beharko dute lehenengo ikasturtean.
Titulazioa
    • Irakaskuntza hauek gainditzeak egindako Masterrean Musika Irakaskuntza Artistikoetan Masterra titulua eskuratzea ekarriko du. Titulazio hori ofiziala da eta balio akademikoa eta profesionala du Espainiako Estatu osoan.
    • Irakaskuntza Artistikoko Master tituluek (MECES 3 maila) Doktoretza ikasketa ofizialetara (MECES 4) sarbidea ematen dute.
Tituludunen profila

Musika Bitartekaritza, Kudeaketa eta Zabalkunderako masterrak ondorengo gaitasunak dituen profil profesionala trebatzen eta sustatzen du:

    • Hainbat musika jarduera ulertu, burutu eta transmititzea, baita horien bitartekaritza, kudeaketa eta hedapena egitea ere, hezkuntza eta gizarte programetan arreta berezia jarriz.
    • Proiektu sozio-edukatiboak sortzea, hainbat kolektiboren, musika agenteren eta hartzaileren parte hartzea kudeatuz eta gidatuz..
    • Musika bitartekaritza ekintzak diseinatu eta garatzea (kontzertuak, hitzaldiak, entzunaldi gidatuak, lantegiak, obren edo errepertorioen ezagutza), hartzaile motaren arabera..
    • Publikoen eta testuinguruen ezaugarriak ezagutzea, proiektuen diseinua horietarako egokitzeko.
    • Musika ondarea zabaltzea eta babestea.
    • Ikerketari ekitea.

Ohiko testuinguru sozioekonomikoa eta kulturala kontuan hartuta, ikasle egresatuek arlo hauetan garatu ahalko lukete beren lanbide-jarduna:

    • Erakunde edo enpresa kultural-musikaletako (orkestra, fundazioa, kultur etxea, udala…) bitartekaritza edo hezkuntza taldeko kide gisa
    • Kulturaren eta musikaren esparruan proiektu sozioedukatiboak sortu, sustatu, kudeatu eta gauzatzen dituen langile gisa..
    • Erakunde, enpresa eta beste artista batzuentzat sortzaile, sustatzaile eta aholkulari gisa, musika-hedapenaren eta kudeaketaren laborantzan eta audientzia berrien garapenean.
    • Musika bitartekaritza, kudeaketa eta hedapenaren alorreko ikertzaile eta irakasle gisa.
    • Kulturaren eta musikaren esparruko ekintzaile gisa.
    • Sormen industrietako profesional gisa.
Araudia
  • 1/2024 Legea, ekainaren 7koa, goi mailako arte irakaskuntzak arautzen dituena eta arte-irakaskuntza profesionalen antolaketa eta baliokidetasunak ezartzen dituena.
  • 1614/2009 Errege Dekretua, urriaren 26koa, 2/2006 Lege Organikoak araututako goi-mailako arte-irakaspenen antolaketa ezartzeari buruzkoa. Errege Dekretu horren 7. artikuluan goi-mailako arte-irakaskuntzako zentroei masterrak eskaintzeko baimena ematen zaie.
  • EBAZPENA, 2020ko urriaren 5ekoa, Ikastetxe eta Plangintzaren zuzendariarena, zeinaren bitartez argitara ematen baita Donostiako «Musikene» Goi Mailako Musika Ikastegi Baimenduaren Musika Arloko Bitartekaritza, Kudeaketa eta Zabalkundeko Irakaskuntza Artistikoen Masterraren titulua lortzeko ikasketa-plana.
  • Hezkuntza eta Lanbide-Heziketaren  Ministeritzaren Homologazioa.
  • 592/2014 Errege Dekretua, uztailaren 11koa, unibertsitateko ikasleen kanpoko praktika akademikoak arautzen dituena.
  • Euskal Jaurlaritzako ebazpena, Euskal Herriko Goi Mailako Musika Ikastegiak ematen dituen goi mailako arte-irakaskuntzen ikasketei dagozkien kredituen aitorpena eta transferentzia arautzen dituena