Urriaren 5ean, Bilboko Udal Musika Bandak “Guerras cántabras” obra estreinatuko du Euskalduna Jauregian, Juan Cubillas Musikeneko Konposizio Graduko ikasleak sortua. Pieza hau “Bidaia” izeneko kontzertuaren baitan aurkeztuko da, José Rafael Pascual Vilaplanaren zuzendaritzapean.

Estreinaldia Musikene eta Bilboko Udal Musika Bandaren arteko lankidetza-hitzarmenaren barruan kokatzen da. Hitzarmen horrek, besteak beste, ikastegiko konposizio ikasleek bandarako jatorrizko errepertorioa sortzea sustatzea du helburu. Horri esker, esparru akademikoan konposatutako obrek eszenatoki profesionalera saltatzen dute estatuko haize-formazio garrantzitsuenetako baten eskutik.

Horrelako lankidetzek ez dute soilik Musikeneko ikasleen proiekzio artistikoa sendotzen, banda errepertorioa ere aberasten dute, ahots eta begirada berriekin. Gainera, ikasketa-esparruaren eta esparru profesionalaren arteko zubiak eraikitzeaz gain, bi erakundeen konpromisoa indartzen du musika garaikidearekin eta talentu gaztearekin.