MASTER CLASS

 JARDUERA

Munduko interpretatzaile onenetako askok eman dituzte masterclassak gure ikastegian, hala nola Pinchas Zukerman biolinista, biola eta zuzendaria, Christian Zacharias, Joaquín Achúcarro, Nicolai Lugansky edo Javier Perianes pianistek, Steven Isserlis edo Alban Gerhardt biolontxelo jotzaileek, Jordi Savall biolagamba jotzaile eta zuzendaria, Christian Lindberg tronboi jotzailea, Hakan Hardenberger tronpetista edo Susanne Elmark, Measha Brueggergosman, Pilar Jurado edo Aquiles Machado abeslariak, Helmut Lachenmann edo Peter Eötvös bezalako musikagile handiak ahaztu gabe.

Jazzaren alorrean irakasle gonbidatuak ere nazioarteko ibilbide sendoa duten interpretatzaile aktiboak dira. Aipatzekoak Benny Green jazz-pianista edo Conrad Herwic tronboi jotzaile newyorktarra. Julian Lage gitarrista ezaguna ere, Los Ángeles, Denver edo Brooklynen masterclassak ematen dituena (eskaera ugari jasotzen du), gure ikastegiarekin elkarlanean aritu da, Rachel Therrien tronpetista eta konpositore kanadiarra eta Kurt Weiss, Dave Liebman, Jamie Baum edo Ilja Reijngoud bezalako artista handiak bezala.