Ikasleak online sarrera proba baten bitartez hautatuko dira, ikus entzunezko grabazioak bidaliz.

Izen-ematea

• • Izena emateko datak: 2026ko apirilaren 15etik maiatzaren 15era
  • Interesdunek izena emateko eskabidea bete beharko dute, eta dokumentu hauek bidali beharko dituzte Musikeneko helbidera edo master@musikene.eus helbide elektronikora:

1. 1. 1. Indarrean dagoen NAN, AIZ, erresidentzia txartela, identitate zedula edo pasaportea.
      2. Espediente akademikoa, betiere Master ikasketa ofizialak egin ahal izateko beharrezkoa den titulazioko irakasgai guztietako kalifikazioak zehaztuta.
      3. Curriculum Vitae
      4. Masterra zergatik egin nahi duen azaltzen duen motibazio gutuna eta hautagaiak aurkeztu nahi duen bestelako merezimendurik.
      5. Lanen partituren eta audio eta/edo bideo grabazioen zorro bat bidaltzea, gutxienez 3 konposizio desberdin dituena, eta gutxienez 20 minutuko iraupena duena, baliabide elektroakustikoekin eta/edo ikus entzunezkoekin edo gabe. Proposamenak testu osagarriak baditu, hauetako hizkuntza batean aurkeztu beharko da: euskaraz, gaztelaniaz, frantsesez, ingelesez edo italieraz.
      6. Aurkeztutako lan eta/edo grabazioen egilea dela adierazten duen aitorpen sinatuz.

Probaren egitura

Hautagaiek bideo bana grabatu beharko dute proba hauetako bakoitzeko:

• • 1. proba: formatu ezberdinetako hiru obra 20 minutuz aurkeztea, bitarteko elektroakustikoekin eta/edo ikus-entzunezkoekin edo gabe.
    • Aurkezpenak iraupen hori gainditzen badu, epaimahaiak lehenego 20 minutuak bakarrik izango ditu kontutan.

• • 2. proba: elkarrizketa pertsonala. Probatarako onartu diren hautagaiek horiek egin aurreko egunetan jaso dituzten galderei erantzungo diete

Grabazioak bidaltzeko epea: 2026ko maiatzaren 28an eta 29an, izena emateko epea amaitu ondoren emango diren jarraibideen arabera.

Ebaluaziorako irizpideak

• • 1. proba (%65a):
    • Hautagaien trebetasun tekniko eta artistikoak, aurkeztutako hiru lanen karpetari eta horiek azaltzerakoan hautagaiak erakusten duen euskarri estetikoari erreparatuz.
    • Musika pentsamendua zehaztasunez eta malgutasunez eramateko gaitasun teknikoa,notazioa egoki erabiliz. Aurkeztutako lanen originaltasuna eta aniztasuna.
    • Hainbat instrumentu eta ahots taldetarako idazkera menderatzea (baliabide elektroakustikoekin eta ikus entzunezkoekin edo gabe).
    • Maila tekniko eta estetikoetan nortasun artistikoa eta irizpide propioa izatea, musika sorkuntza garaikidearen testuinguruan
  • 2. proba (%35a) 
    • Hautagaien sorkuntzaren inguruko espektatibak
    • Masterrean zehar eta beren interesen arabera garatzea planteatzen duten proiektua.
    • Hautagaien komunikaziorako trebetasuna eta beren musika nortasuna eta bilakaera definitzeko bilaketa jarrera
    • Motibazioa, anbizio sortzaileak eta etorkizunerako espektatibak, bai lanari dagokionez, bai arteari dagokionez.

Epaimahaia

Epaimahaia ikastegiko hiru irakaslek osatuko dute, aztergai diren diziplinetan adituak direnak.

• • Epaimahaiak: lehenengo deialdia (martxoa) 2026

Erreklamazioak

Lortutako kalifikazioen aurka erreklamazioa aurkeztu ahal izango da hiru egun balioduneko epean, emaitzak argitaratzen direnetik zenbatzen hasita. Horiek ebatzi eta argitaratzeko epea gehienez hamar egun baliodunekoa izango da, erreklamazioak aurkezteko epea amaitzen denetik. Idatzizko eskaera formal baten bidez aurkeztutako kalifikazio-berrikusketak soilik bideratuko dira; eskaera horrek data eta sinadura izan behako ditu, indarren dagoen NAN, AIZ edo pasaportearekin batera, Ikasketen Antolamenduko zuzendariordetzari zuzendua, eta helbide honetara posta elektronikoz bidalia: reclamaciones@musikene.eus.

Sartzeko betekizunak

Ezinbesteko eskakizuna izango da hauetako titulazioren bat izatea:

• • Graduko titulua
  • Arte-irakaskuntzen Goi Mailako titulu ofiziala
  • Aurrekoen baliokide den edozein titulu, Goi Mailako Hezkuntzaren Europako Esparruko erakunde batek emana

Sartzeko aukera izango dute baita ere:

• • 2025-2026 ikasturtean zehar Graduko ikasketak amaitzen dituztenek.
  • Goi Mailako Hezkuntzaren Europako Esparruaz kanpoko hezkuntza-sistemen arabera tituludun direnak, betiere eskumeneko hezkuntza Administrazioak egiaztatzen badu formazio-maila baliokidea dutela.

Matrikula egitean, titulua (edo titulu-eskubideak ordaindu izanaren agiria) aurkeztu beharko da. Gaur egun azken maila egiten ari diren ikasleek 2026ko urriaren 15a baino lehen aurkeztu ahal izango dute dokumentazio hori.

Ikastegira itzultzea

Musikeneko ikasketak bertan behera utzi ondoren berriz ere hastea erabakitzen duten ikasleek, ikastegira itzultzeko eskaera egin dezakete 2026ko ekainaren 1etatik 10era. Interesa dutenek urrats hauek jarraitu beharko dituzte ezarritako epean:

• • Online eskaera orria betetzea.
  • Sorkuntza Masterra: eskatzaileak bi lan pertsonal bidali beharko ditu partituran eta, nahi izanez gero, audioan.
    • Material horiek secretaria.academica@musikene.eus helbidera bidaliko dira.
    • Edukiak alojamendu zerbitzu egokiren batean jartzea gomendatzen da (DropBox, Google Drive, YouTube, Vimeo, etab.) eta horietara sartzeko esteka bidaltzea. Beharrezkoa izango da baimenak gaitzea esteka duen edonork edukiak ikusteko aukera izan dezan.

Garrantzizkoa:

• • Ez dira onartuko ezarritako epez kanpo aurkeztutako eskaerak edo eskatutako dokumentu guztiak bidali ez dituzten eskaerak.
  • Ikastegiko organo eskudunak ebatziko ditu eskaerak, ikastegian dauden plaza libreak eta emandako dokumentazioa kontutan hartuta.
  • Eskaerei posta elektronikoz erantzungo zaie ekaineko bigarren hamabostaldian.
  • Ezinbesteko baldintza da ikastegian aurreko garaiko ordainketak, bai matrikula tasei dagozkienak bai eta gainontzeko ordainketak ere, egunean izatea.

Emaitzak

• • Emaitzak: lehenengo deialdia (martxoa) 2026
  • Bigarren deialdiaren emaitzak ekainaren 12a baino lehen jakinaraziko dira.

Matrikula

• • Matrikula urtero egingo da ezartzen diren epeetan.
  • Ikaslearen aukera izango da urtero matrikula osoa egitea (60 ECTS) edo partziala (kasu horretan lehenengo urtean 45 ECTSkoa izango da gutxienez).
  • Ikastegiak ikasturte bakoitzean ezarriko ditu matrikulan aldaketak eskatzeko epea. Nolanahi ere lauhileko bakoitzaren hasieran izango da.
  • Ikasleek Masterreko matrikula egiteko aukera izango dute Graduko azken urteko irakasgairen bat gainditu gabe izan arren: MBL eta gehienez irakasgai bat. Kasu horretan Graduko titulua lortu duela egiaztatu beharko du Masterreko titulua eskuratu ahal izateko.

Matrikularen prezioa:

• • Ikasleak 1400 euro jasoko ditu orkestratan egindako praktika profesionalengatik eta alta emango zaio Gizarte Segurantzan.
  • Matrikula osoa (60 ECTS): 5.820 euro (egiazko kostua 4.420 euro, praktika profesionalengatik jasoko den kopurua kenduta).
    • Master honetako kreditu bakoitzaren prezioa 97€ eurokoa da 1. matrikulan eta 140€koa 2. matrikulan edo hurrengoetan.
  • Ordainketa hiru epetan egingo da:
    • • Herena matrikulatzerakoan.
      • Gainontzeko zenbatekoa bi zatitan, bat azaroan eta bestea otsailean.
  • Musikenen titulua lortu zuen ikaslea bazara, %15eko beherapena izango duzu matrikularen prezioan.

KREDITUEN AITORTZA ETA TRANSFERENTZIA

• • Aurrez masterreko ikasketa ofizialak egin dituzten ikasleek kredituen aitortza eta transferentzia eska dezakete, edukiak eta konpetentziak gutxienez %75ean bat datozen irakasgaietan. Ez dira inolaz ere aitortuko kanpoko proiektuari edo Master Bukaerako Lanari (MBL) dagozkien kredituak.
  • Kredituak aitortzea eskatzeko ezinbestekoa da ikastegian matrikulatua egotea, horrek esan nahi du ikastegian plaza lortu dela ezarritako prozeduraren bitartez.
  • Ikasleak matrikula burutzeko unean eskatu beharko du kredituen aitortza egitea.
  • Eskatutako kredituen ebazpena dagokion ikasturtea hasi aurretik emango da jakitera eta ikasleak erreklamaziorako epea izango du.
  • Onartzen diren aitortzak ikaslearen espediente akademikora igoko dira, bertan adieraziz aitortzen den ikasgaia, jatorrizko espedientean lortutako kalifikazioa, eta zein ikastegitan egin zen. Halaber, matrikularen zenbatekoa doituko da, matrikulazio kontratuan zehazten den moduan (aitortzen den kreditu bakoitzaren zenbatekoaren %35a).

Bekak

• • Eusko Jaurlaritzako bekak
  • Hezkuntza Ministeritzako bekak