Ikastegiko ikasle eta irakasleen informazio- eta dokumentazio-premiei erantzuten die Musikeneren Mediatekak. Ikasteko eta kontsultarako leku bat eskaintzen du, eta deskribatutako helburuetara egokitutako hainbat zerbitzu.

Honako hauek dauzkan gune zabala: kontsulta-aretoa, ikasketa-aretoa, lan kolektiboko aretoa, katalogazio-zerbitzua, eta abar.

4 pertsonak osatutako talde bat arduratzen da askotariko bilduma dokumentala sortzeaz, mantentzeaz eta zabaltzeaz: liburuak, partiturak, aldizkari musikalak, CD, DVD eta baliabide elektronikoak. Honako atal hauetan banatuta dago Mediateka: mostradore-eremu bat (mailegua eta informazioa); berritasunen erakusmahaia; liburuak kontsultatzeko, partituren, CDen eta DVDen eremuak; hemeroteka, talde-lanetarako aretoa; ikus-entzunezkoen aretoa, lan-bulegoak; elkarteen artxiboa; artxibo historikoa.