MUSIKAN Goi mailako arte irakaskuntzetako gradua
ESPEZIALITATEAK
KONPOSIZIOA
PEDAGOGiA
ZUZENDARITZA
Koru Zuzendaritza | Orkestra Zuzendaritza
INTERPRETAZIOA:
Akordeoia | Biola | Biolina | Biolontxeloa | Fagota | Flauta | Gitarra | Harpa | Kantua | Klarinetea | Kontrabaxua | Oboea | Organoa | Perkusioa | Pianoa | Saxofoia | Tronboia | Tronpa | Tronpeta | Tuba | Txistua
JAZZ:
Bateria | Baxu elektrikoa | Gitarra | Kantua | Kontrabaxua | Pianoa | Saxofoia | Tronboia | Tronpeta
MATRIKULA PREZIOAK
TASA AKADEMIKOAK
Musikeneko matrikularen prezioak eremu unibertsitarioan ezarritako eredua jarraitzen du. 240 ECTS kredituak 4 ikasturtetan banatzen dira, 60 kreditu bakoitzak. Gaur egungo matrikula osoak 1.588,2€ balio du.
| KONTZEPTUA | ZENBATEKOA EUROTAN |
|---|---|
| Kredituaren prezioa 1go matrikulan | 26,47€ |
| Kredituaren prezioa 2. matrikulan | 45,68€ |
| Kredituaren prezioa 3. matrikulan | 55,80€ |
| Espedientea zabaltzea | 27,34€ |
| Kredituak aitortzea | Aitortzen den irakasgaiari dagozkion kredituen zenbatekoaren %25a |
| Kanpoko ikasleentzat kreditu-aitorpena aztertzea | 30,00€ |
| Ziurtagiri akademiko ofiziala | 27,34€ |
| Espediente lekualdatzea IN/OUT | 27,34€ |
MATRIKULAN SALBUESPENAK ETA BEHERAPENAK
Ikasleek kasu bakoitzean eskatzen den dokumentazioa aurkeztuz gero, Musikenek salbuespen eta beherapenak aurre ikusten ditu matrikulan kasu hauetan:
1.- Ohorezko matrikula
1.A.- Ohorezko matrikula Musikenen egindako irakasgaietan.
Salbuespena ekarriko du ohorezko matrikula lortu den irakasgaiari dagozkion kreditu kopuruaren matrikulazio tasa akademikoetan. Kenkari horiek hurrengo ikasturtean soilik aplikatuko zaizkie Musikeneko ikasleei, eta ez beste Ikastegi batzuetatik datozen ikasleei.
1.B.- Ohorezko matrikula batxilergoan.
Batxilergoko kalifikazio globala ohorezko matrikula denean matrikularen zenbateko osoa salbuetsiko da; goi mailako musika ikasketak lehenengo aldiz hasten dituztenean bakarrik aplikatu ahal izango da.
2.- Familia ugariak
Familia ugarietakoak diren ikasleak, kategoria orokorrean sailkatuta daudenean, matrikulazio tasen %50a ordaindu beharko dute.
Kategoria berezian sailkatutako familia ugarietako ikasleek %100eko salbuespena izango dute matrikulazio tasetan.
3.- Desgaitasunen bat duten pertsonak
%33koa edo hortik gorako desgaitasunen bat duten ikasleak, organo eskudunak hala emana denean, matrikulazio tasak osotasunean salbuesteko eskubidea izango du.
BEKAK
Gradurako beka esklusiboak:
AIE: Artistas, Intérpretes o Ejecutantes erakundearen Laguntza eta Kultura Fondorako Batzordeak 3.000 euroko bi beka aurre ikusten ditu Musikeneko ikasleentzat urteko espezializazio altuko beka eskaintzan, Interpretazio Klasikoa eta Jazz espezialitateetan.- Igartza Musika: Beasaingo Udalak 2.000 euroko beka bat emango dio Graduko 4. mailan matrikulatua dagoen ikasle bati (Interpretazio Klasikoa eta Jazz espezialitatetan), epaimahai batek horretarako espresuki hautatua. Hautaketa udazkenean egingo da.
Beka orokorrak:
- Eusko Jaurlaritza: EAEn bizi diren ikasleek Eusko Jaurlaritzak urtero unibertsitate ikasketentzat eskaintzen dituen bekak eska ditzakete.
- Hezkuntza Ministerioa: Euskal Autonomia Erkidegotik kanpoko ikasleek beka orokorrak eska ditzakete, derrigorrezko hezkuntzaren ondorengo ikasketak egiten dituztenentzat.
Musikako goi mailako ikasketak egin nahi badituzu, ez galdu Musikeneko Ate Irekien Jardunaldiak. 2025ko otsailaren 18tik apirilaren 1era zure espezialitateko jardunaldi espezifikora doan joateko aukera izango duzu.
Zer eskaintzen dugu jardunaldi hauetan?
- Zure espezialitateko ikasketa-planari eta sarrera-probei buruzko informazio zehatza.
- Musikeneko irakasleen eskolak jasotzeko aukera.
- Entzule gisa gure ikasleen eskola eta entzunaldietara joateko aukera.
- Ikastegiari bisita.
Begiratu jardunaldiaren eguna, ordutegia eta egitaraua zure espezialitatearen estekan eta eman izena.
Zain gaituzu!
ESPEZIALITATEAK
SARBIDEA ETA ONARPENA
FAQ: TITULAZIOA ETA ANTOLAKETA
ZEIN BALIO DU MUSIKAN ARTE IRAKASKUNTZETAKO GRADUAK?
Musikan Arte irakaskuntzetako Graduak unibertsitateak luzatutako gradu titulazio baten balio berbera du ondorio guztietarako. Abenduaren 29ko 3/2020 Lege Organikoak (LOMLOE) horrela onartzen du.
ZENBAT IKASTURTE DAGOZKIO ESPEZIALITATE BAKOITZARI?
Musikeneko Graduko espezialitate guztietako ikasketa planek 240 ECTS dituzte lau ikasturtetan banatuta, bakoitza 60 ECTSkoa.
NON EGITEN DIRA GRADURAKO SARRERA PROBAK ETA ZEIN DA EGUTEGIA?
Gradurako sarrera probak aurrez aurre egiten dira Musikenen ekainean. Izena emateko prozesuari, betebeharrei eta proben egitura eta egutegiari buruzko informazio guztia Musikeneko webgunean ikus daiteke.
IKASLEEK INSTRUMENTU NAGUSIKO (ESPEZIALITATEA-INTERPRETAZIOA) IRAKASLEA AUKERATU AHAL DEZAKETE?
Espezialitateko irakasleen kasuan (Interpretazioa), ikasle berriek euren Instrumentu Nagusiko irakaslea sarrera probetan lortutako emaitzen rankingaren arabera aukeratuko dute. Eskaera hori espezialitate irakasle bat baino gehiago dituzten instrumentuetan soilik egingo ahal izango da.
MUSIKENEKO IKASLE BANAIZ, IZANGO AL DUT IKASTEGIKO ESPAZIOETAN IKASTEKO AUKERA?
Bai. Musikeneko Graduko ikasleek ikastegiko kabina eta gelak erabil ditzakete ikasteko. Espazioen kudeaketa errazteko, Musikenek Erreserbak plataforma jartzen du ikasleen eskura, erreserbak online modu errazean egin ahal izateko.
EGIN AL DAITEZKE BI ESPEZIALITATE ALDI BEREAN?
Bai, baldintza hauek betetzen badira:
- Egin nahi dituen bi espezialitatetik batean behintzat lehenengo ikasturtea egina izatea
- Bi espezialitateetarako sarrera probak gaindituta izatea eta bakoitza hasten den ikasturterako plaza lortu izana
ARTE IRAKASKUNTZETAKO GRADUA HASIA BADUT, MUSIKENEK AITORTUKO AL DIZKIT IRAKASGAIEN KREDITUAK?
Bai, espediente-lekualdaketak egiten direnean eta graduko edo baliokideak diren beste ikasketen kasuan, irakasgaiaren kreditu kopurua eta edukia Musikek aitortzen duen irakasgaiarekin bat datozenean. Ez da aplikatuko ikaslea Musikenen zuzenean sarrera-probaren bitartez ikasketa berberak egiteko sartzen denean.
ZENBAT DEIALDI DITUT ARTE IRAKASKUNTZETAKO GRADUKO IRAKASGAIAK GAINDITZEKO?
Ikasleek gehienez lau deialdi izango dituzte irakasgai bakoitzarentzat eta gehienez bi deialdi Gradu Bukaerako Lana gainditzeko.
Kasu bietan Musikenek, ikasleak hala eskatuta, salbuespenez beti ere eta modu egokian justifikatutako arrazoiengatik, deialdi berri bat baimentzeko ahalmena izango du.
BERTARATZEA DERRIGORREZKOA AL DA?
Irakaskuntza aurrez aurrekoa eta derrigorrezkoa da irakasgaiak modu egokian ebaluatzeko.
ZEIN HIZKUNTZA(TA)N EMATEN DIRA ESKOLAK?
Musikeneko irakaskuntzaren hizkuntza ofizialak gaztelera eta euskara dira, talde irakasgaietako eskolak batik bat gazteleraz ematen diren arren. Banakako irakaslegaietan komunikaziorako hizkuntza modu naturalean irakasle eta ikaslearen artean ezartzen da.
Musikenek urtero euskara eta atzerritarrentzat gaztelera doako ikastaroak eskaintzen ditu eskatzen duten ikasleentzat, eta gainera prezio baxuagoak eskaintzen dira ingelesa eta alemaniera ikasteko.
ZENBAT BALIO DU MUSIKENEN IKASTEAK?
Musikene Eusko Jaurlaritzak diruz lagundutako ikastegi publikoa da. Matrikula osoak 1.588,2€ balio ditu (60 ECTS kreditu, 26,47€ kredituko).
NOLA ETA NOIZ ORDAINTZEN DA MATRIKULA?
Matrikulatzeko unean lehenengo ordainketa egingo da, eta zenbatekoa matrikulazio kontratuan zehaztuko da (gaur egun 500€koa da). Matrikularen gainontzeko zenbatekoa epe baten edo bitan ordaintzeko aukera izango da; azaroaren erdialdera lehenengoa, eta otsailaren erdialdera bigarrena bitan ordaintzea hautatu bada.
BEKARIK LOR AL DEZAKET?
Beka orokorren eta esklusiban Musikeneko ikasleentzat diren beken inguruko informazioa Musikeneko webgunean dago eskura.
NON AURKI DEZAKET DONOSTIAN OSTATU HARTZEKO INFORMAZIOA?
ARAUDIA
LOE
2/2006 LEGE ORGANIKOA, HEZKUNTZARENA, 2020ko abenduaren 30ean finkatua. [Ireki]
1614/2009 ERREGE DEKRETUA, urriaren 26koa, maiatzaren 3ko 2/2006 Hezkuntzaren Lege Organikoak arautzen dituen goi mailako irakaskuntza artistikoen antolamendua ezartzen duena. [Ireki]
631/2012 ERREGE DEKRETUA, maiatzaren 14koa, maiatzaren 3ko 2/2006 Hezkuntzaren Lege Orgnaikoak ezarritako Musikan Graduko goi mailako irakaskuntza artistikoen oinarrizko edukia erregulatzen duena. [Ireki]
368/2013 DEKRETUA, ekainaren 25ekoa, Euskal Autonomia Erkidegoan Musikako goi-mailako arte-irakaskuntzak arautzen dituena, Konposizio, Zuzentze, Interpretazio eta Pedagogia espezialitateetan. [Ireki]
30/2024 DEKRETUA, martxoaren 12koa, Euskal Autonomia Erkidegoan Musikako Goi-mailako Arte Irakaskuntzak Konposizio, Zuzendaritza, Interpretazio eta Pedagogia espezialitateetan arautzen dituen Dekretua aldatzen duena. [Ireki]
1/2024 LEGEA, ekainaren 7koa, goi-mailako irakaskuntza artistikoak arautzen dituena eta irakaskuntza profesionalen antolaketa eta baliokidetasunak ezartzen dituena.[Ireki]