Masterrak bost moduluko egitura du:

1.Modulu instrumentala: modulu praktiko-instrumental honetan, orkestrako errepertorioa eta instrumentu teknika lantzen dira. Ikasleek orkestra profesionaletako entzunaldiei aurre egiteko beharrezko tresnak eskuratuko dituzte.

2. Formazio teorikoko modulua: orkestra-errepertorioaren historia eta analisia aztertzeko irakasgaiak biltzen ditu, ikasitakoak interpretazioan eragin zuzena izan dezan.

3. Praktika modulua: orkestra baten esperientzia hartzeko aukera ematen du, lan esparruan eta baita esparru artistikoan ere, aldi batez orkestra baten dinamika osatuz (kontzertuak, entseguak, birak). Praktikak ordainduak izango dira (1400 euro) eta gizarte segurantzan alta emango zaie ikasleei bekadun modura.

4. Aukerako modulua: ikasleen interesen arabera, profesionalizaziorako ezagutzak zabaltzeko aukera ematen duten gaiak eskaintzen ditu.

5. Ikerketa modulua: ikerketa metodo eta teknika desberdinak aztertzea eta Master Bukaerako Lana egitea aurreikusten du.

Masterra aurrez aurrekoa da eta jarduera formatibo ezberdinak uztartzen ditu:

• • Banakako instrumentu eskolak. Espezialitate bakoitzeko Orkestra Errepertorioko eskolak taldean. Hau hartzen dute barne:
    • Orkestra probetako entzunaldien simulakroak.
    • Master String Orkestra: aste intentsibo batean antolatzen den hari orkestra proiektua, jendaurreko kontzertu batekin amaitzen dena. Proiektua nazioarteko ospea duen kontzertino batek zuzentzen du.
  • Derrigorrezko eta aukerako materien eskola kolektiboak, orkestra errepertorioaren espezializazioari lotuta.
  • Euskadiko Orkestran, Bilbao Orkestra Sinfonikoan eta Nafarroako Orkestra Sinfonikoan kanpoko praktika profesionalak, orkestrako musikari baten tutoretzapean.
  • Master Bukaerako Lanaren jendaurreko defentsa

KONPETENTZIAK

• • Konpetentziak

HIZKUNTZAK

• • Eskola kolektiboak gazteleraz ematen dira.
  • Banakako eskolak irakasleak eta ikasleak adostutako hizkuntzan emango dira (irakasleak nazioarteko jatorrikoak dira eta gehienetan hizkuntza bat baino gehiago menperatzen dute).
  • Ikastegiak, bere hizkuntza egitasmoaren bitartez, laguntza ematen du gaztelera, euskara, ingelesa, frantsesa eta alemaniera ikasteko.
  • Ingelesaren ezagutza gomendatzen da kontsulta bibliografikoak egin ahal izateko.

Ikasleak online sarrera proba baten bitartez hautatuko dira, ikus entzunezko grabazioak bidaliz.

Izen ematea

• • Izena emateko datak: 2026ko apirilaren 15etik maiatzaren 15era
  • Interesdunek izena emateko eskabidea bete beharko dute, eta dokumentu hauek bidali beharko dituzte Musikeneko helbidera edo master@musikene.eus helbide elektronikora:

1. 1. 1. Indarrean dagoen NAN, AIZ, erresidentzia txartela, identitate zedula edo pasaportea.
      2. Espediente akademikoa, betiere Master ikasketa ofizialak egin ahal izateko beharrezkoa den titulazioko irakasgai guztietako kalifikazioak zehaztuta.
      3. Curriculum Vitae
      4. Masterra zergatik egin nahi duen azaltzen duen motibazio gutuna eta hautagaiak aurkeztu nahi duen bestelako merezimendurik.

Probaren egitura

Hautagaiek bideo bana grabatu beharko dute proba hauetako bakoitzeko:

• 1. proba: garai eta estilo ezberdinetako obrez osatutako errepertorio libre bat interpretatzea.
  • Gehienez 20 minutuko iraupena ezartzen da espezialitate guztientzat. Iraupena 15 minututik beherakoa izatea ez da gomendatzen.
  • Obra osoak, horien mugimenduak edo orkestrako pasarteak onartuko dira.
  • Bideoan jasotako obra bakoitza toma bakar batean grabatu beharko dira (etenik gabe) eta inongo ediziorik gabe.
  • Bideoak hautagaiaren gorputz osoa eta instrumentua erakutsi beharko ditu.
  • Pianoz lagunduta interpretatu behar diren obrak laguntzailearekin interpretatuko dira.
• 2. proba: Probatarako onartu diren hautagaiek horiek egin aurreko egunetan jaso dituzten galderei erantzungo diete

Grabazioak bidaltzeko epea: 2026ko maiatzaren 28an eta 29an, izena emateko epea amaitu ondoren emango diren argibideei jarraiki.

Ebaluaziorako irizpideak

• 1. proba (%80): 
  • Errepertorioa-Programa:
    • Estilo eta garaien aniztasuna
    • Mailari egoki moldatzea
    • Aurkeztu den programaren zailtasuna
    • Aurkeztutako obren estiloari arreta
  • Alderdi teknikoak:
    • Erronka tekniko eta interpretatiboei aurre egiteko interpretazioan gaitasuna
    • Musikaltasuna
    • Fraseatzea
    • Dinamika
    • Artikulazioa
    • Arnasketa
    • Afinazioa
    • Gorputzaren posizioa
  • Artisktikoa:
    • Komunikazioa
    • Adierazkortasuna
    • Transmisioa
• 2. proba 2 (%20)
  • Motibazioa
  • Hausnarketa artistikorako gaitasuna
  • Adierazpen garbia
  • Ibilbidea
  • Potentzial akademikoa

Epaimahaiak

Espezialitate bakoitzeko epaimahaia hiru irakaslek osatuko dute, azterketaren helburu diren instrumentuen adituak. Bertan parte hartuko BOS-Bilbao Orkestra Sinfonikoko aditu batek:

• •  Epaimahaiak: lehenengo deialdia (martxoa) 2026

Erreklamazioak

Lortutako kalifikazioen aurka erreklamazioa aurkeztu ahal izango da hiru egun balioduneko epean, emaitzak argitaratzen direnetik zenbatzen hasita. Horiek ebatzi eta argitaratzeko epea gehienez hamar egun baliodunekoa izango da, erreklamazioak aurkezteko epea amaitzen denetik. Idatzizko eskaera formal baten bidez aurkeztutako kalifikazio-berrikusketak soilik bideratuko dira; eskaera horrek data eta sinadura izan behako ditu, indarren dagoen NAN, AIZ edo pasaportearekin batera, Ikasketen Antolamenduko zuzendariordetzari zuzendua, eta helbide honetara posta elektronikoz bidalia: reclamaciones@musikene.eus.

Sartzeko betekizunak

Ezinbesteko eskakizuna izango da hauetako titulazioren bat izatea:

• • Graduko titulua
  • Arte-irakaskuntzen Goi Mailako titulu ofiziala
  • Aurrekoen baliokide den edozein titulu, Goi Mailako Hezkuntzaren Europako Esparruko erakunde batek emana

Sartzeko aukera izango dute baita ere:

• • 2025-2026 ikasturtean zehar Graduko ikasketak amaitzen dituztenek.
  • Goi Mailako Hezkuntzaren Europako Esparruaz kanpoko hezkuntza-sistemen arabera tituludun direnak, betiere eskumeneko hezkuntza Administrazioak egiaztatzen badu formazio-maila baliokidea dutela.

Matrikula egitean, titulua (edo titulu-eskubideak ordaindu izanaren agiria) aurkeztu beharko da. Gaur egun azken maila egiten ari diren ikasleek 2026ko urriaren 15a baino lehen aurkeztu ahal izango dute dokumentazio hori.

Ikastegira itzultzea

Musikeneko ikasketak bertan behera utzi ondoren berriz ere hastea erabakitzen duten ikasleek, ikastegira itzultzeko eskaera egin dezakete 2026ko ekainaren 1etatik 10era. Interesa dutenek urrats hauek jarraitu beharko dituzte ezarritako epean:

• • Online eskaera orria betetzea.
  • Eskatzailearen ikus-entzunezko grabazio bat bidaltzea, 10 eta 15 minutu bitartekoa:
    • Grabazioa helbide honetara bidaliko da: secretaria.academica@musikene.eus.
    • Artxiboak alojamendu zerbitzu egokiren batean jartzea gomendatzen da (DropBox, Google Drive, YouTube, Vimeo, etc. …) eta bideoa ikustea ahalbidetuko duen esteka bidaltzea.

Garrantzizkoa:

• • Ez dira onartuko ezarritako epez kanpo aurkeztutako eskaerak edo eskatutako dokumentu guztiak bidali ez dituzten eskaerak.
  • Ikastegiko organo eskudunak ebatziko ditu eskaerak, ikastegian dauden plaza libreak eta emandako dokumentazioa kontutan hartuta.
  • Eskaerei posta elektronikoz erantzungo zaie ekaineko bigarren hamabostaldian.
  • Ezinbesteko baldintza da ikastegian aurreko garaiko ordainketak, bai matrikula tasei dagozkienak bai eta gainontzeko ordainketak ere, egunean izatea.

Emaitzak

• • Emaitzak: lehenengo deialdia (martxoa) 2026
  • Bigarren deialdiaren emaitzak ekainaren 12a baino lehen jakinaraziko dira.

MATRIKULA

• • Matrikula urtero egingo da ezartzen diren epeetan.
  • Ikaslearen aukera izango da urtero matrikula osoa egitea (60 ECTS) edo partziala (kasu horretan lehenengo urtean 30 ECTSkoa izango da gutxienez).
  • Ikastegiak ikasturte bakoitzean ezarriko ditu matrikulan aldaketak eskatzeko epea. Nolanahi ere lauhileko bakoitzaren hasieran izango da.
  • Ikasleek Masterreko matrikula egiteko aukera izango dute Graduko azken urteko irakasgairen bat gainditu gabe izan arren: MBL eta gehienez irakasgai bat. Kasu horretan Graduko titulua lortu duela egiaztatu beharko du Masterreko titulua eskuratu ahal izateko.

Matrikularen prezioa

• Ikasleak 1400 euro jasoko ditu orkestratan egindako praktika profesionalengatik eta alta emango zaio Gizarte Segurantzan.
• Matrikula osoa (60 ECTS): 5.820 euro (egiazko kostua 4.420 euro, praktika profesionalengatik jasoko den kopurua kenduta).
  • Master honetako kreditu bakoitzaren prezioa 97€ eurokoa da 1. matrikulan eta 140€koa 2. matrikulan edo hurrengoetan.
• Ordainketa hiru epetan egingo da:
  • • Herena matrikulatzerakoan.
    • Gainontzeko zenbatekoa bi zatitan, bat azaroan eta bestea otsailean.
• Musikenen titulua lortu zuen ikaslea bazara, %15eko beherapena izango duzu matrikularen prezioan.

KREDITUEN AITORTZA ETA TRANSFERENTZIA

• Aurrez masterreko ikasketa ofizialak egin dituzten ikasleek kredituen aitortza eta transferentzia eska dezakete, edukiak eta konpetentziak gutxienez %75ean bat datozen irakasgaietan. Ez dira inolaz ere aitortuko praktikei edo Master Bukaerako Lanari (MBL) dagozkien kredituak
• Kredituak aitortzea eskatzeko ezinbestekoa da ikastegian matrikulatua egotea, horrek esan nahi du ikastegian plaza lortu dela ezarritako prozeduraren bitartez.
• Ikasleak matrikula burutzeko unean eskatu beharko du kredituen aitortza egitea.
• Eskatutako kredituen ebazpena dagokion ikasturtea hasi aurretik emango da jakitera eta ikasleak erreklamaziorako epea izango du.
• Onartzen diren aitortzak ikaslearen espediente akademikora igoko dira, bertan adieraziz aitortzen den ikasgaia, jatorrizko espedientean lortutako kalifikazioa, eta zein ikastegitan egin zen. Halaber, matrikularen zenbatekoa doituko da, matrikulazio kontratuan zehazten den moduan (aitortzen den kreditu bakoitzaren zenbatekoaren %35a).

Bekak

Musikeneko ikasleentzako beka esklusiboak

Beka hauek behean aipatzen diren laguntza publikoekin bateragarriak dira eta eskatzaileen meritu artistikoak kontutan hartuz soilik emango dira.

• • AIE bekak, 1.500 eurokoak: AIEren (Artistas, Intérpretes y Ejecutantes) Laguntza eta Kultura Funtserako Batzordeak 1.500euroko bi beka emango dizkie sarrera probetan mailarik onena erakusten duten bi ikasleei. Bekak bigarren deialdiko sarrera probak amaitu ondoren esleituko dira.
  • “Igartza” beka, 3.300 eurokoa: Beasaingo Udalak 3.300 euroko beka ematen du Musikeneko Interpretazio masterretako batean (Orkestra Ikasketak, Musika interpretazioa edo Jazz interpretazioa) matrikulatuta dagoen ikasle batentzat. Horretarako espresuki eratuko den epaimahai batek hautatuko du udazkenean egingo den hautaketan.
  • “José Luis Ansorena” beka: Errenteriako Andra Mari Abesbatzak eta Musikenek José Luis Ansorena Beka-Lehiaketa antolatzen dute, 2.000 euroko dirusariarekin, Orkestra Ikasketa, Interpretazio Klasikoa eta Jazz interpretazio masterretan matrikulatutako ikasleei zuzendua.

Beka orokorrak

• • Eusko Jaurlaritzako bekak
  • Hezkuntza Ministeritzako bekak