Datorren abenduaren 7an, 19:00etan, Bilboko Euskaldunako Auditoriumak “Talentu Gaztea & Poulenc” kontzertua hartuko du, Musikeneko organo ikasleak eta ikastegiko Ganbera Orkestra protagonista direla, Jon Malaxetxebarria irakaslearen zuzendaritzapean.

Kontzertu hau Euskaldunak eta Musikenek sinatutako lankidetza-hitzarmenaren barruan kokatzen da. Hitzarmen horrek ikasleei aukera ematen die agertoki profesionaletan goi-mailako errepertorioa interpretatzeko, beren garapen artistikoa testuinguru errealetan sendotuz. Aldi berean, akordioak organoaren presentzia biziberritzen laguntzen du Bilboko bizitza kulturalean, Auditoriumeko tresna berezienetako bati balioa emanez: 5.390 hodi eta 30 tonako pisua.

Informazio gehiago hemen