Musikenek 15 urte bete ditu “Musikari profesionala musika industriagintzaren” zikloarekin. Programa aitzindari hau hausnarketarako, ikaskuntzarako eta kultura- nahiz sormen-sektorearekin konektatzeko gune gisa finkatu da. 2011n sortu zenetik, musika-ingurunearen errealitate profesionala hurbildu dio hezkuntza-komunitateari, industriako funtsezko eragileekin egindako hitzaldien bidez: diskoetxeak, jaialdiak, argitaletxeak, plataforma digitalak, ikus-entzunezko enpresak, kultura-kudeatzaileak eta startup-ak.

Edizio berezi honetan, zikloak lau hitzaldi eskainiko ditu, gaur egungo musika-ekosistemaren aniztasuna eta etengabeko eraldaketa erakutsiz:

• Otsaila 4 – Jokin Tellería (Dantz): Kultura-marka eta musika elektronikoaren proiektu-laborategia
• Otsaila 25 – Gorka Fernández (BIME): Industria musikalaren nazioarteko topaketa
• Martxoa 11 – Iñigo Alberdi (BOS): Orkestra sinfonikoak XXI. mendean. Erronkak eta aukerak
• Martxoa 25 – MORIARTI: 25 urte zineman

📍 Hitzaldi guztiak Musikenen izango dira, 17:30etan
🎟 Sarrera librea, lekuak bete arte

Zikloa Musikeneko Ekintzailetza eta Laneratze Programaren parte da, eta ikastegiak musika-sektorearen dinamika berriekin lotutako prestakuntza eskaintzeko duen konpromisoa azpimarratzen du.

• Informazio gehiago hemen