DANA ekaitzak eragindako pertsonei elkartasuna adieraziz, Musikenek azaroko hiru kontzertuak ekitaldi solidario bihurtzea erabaki du. Musika-hitzordu horiek doakoak izaten jarraituko dute, baina publikoak borondatezko dohaintzak egiteko aukera izango du. Diru-bilketa osoa Gurutze Gorriari bideratuko zaio, kaltetutako eremuetan laguntzeko ahaleginak egin ditzan.

Hiru kontzertuak Musikeneko auditorioan izango dira, datozen hiru larunbatetan, 19:00etan, eta zentroko talde nagusien emanaldiak izango dira, zuzendari nabarmenen zuzendaritzapean:

Kontzertu solidarioen datak eta programazioa:

• MUSIKENE BIG BAND: azaroak 9 – Zuzendaria: Terell Stafford (ikusi programa)
• MSKN MASTER ENSEMBLE: azaroak 16 – Zuzendaria: José Luis Estellés (ikus programa)
• MUSIKENE ORKESTRA SINFONIKOA: azaroak 23 – Zuzendaria: Jordi Bernàcer (ikus programa)

Borondatezko dohaintzak

Musikenek kutxa bat prestatuko du kontzertu bakoitzaren irteeran borondatezko dohaintzak egiteko. Gainera, lagundu nahi dutenek honako hauen bidez egin ahal izango dute:

• Bizum: 01376
• Banku-transferentzia:
  • Kutxa Bank: ES52 2095 5092 0210 6095 0085
  • Laboral Kutxa: ES52 3035 0050 7205 0075 1008

Musikeneren konpromiso soziala

Ekimen hau Musikeneko ikasle, irakasle, administrari eta zuzendaritza guztien konpromisotik sortu da, gure komunitate osoaren ezaugarri den elkartasun-zentzu sakona islatuz. Musikaren bidez, Musikenek aukera bat eskaintzen du larrialdiko une honetan gehien behar dutenei laguntzeko, eta publikoa gonbidatzen du laguntzeko ahalegin kolektibo horretan parte hartzera.