Musikenek, Gipuzkoako Foru Aldundiarekin lankidetzan, Organoak Plazara Zikloaren bosgarren edizioa ospatuko du maiatzaren 12tik 21era bitartean. Zikloari hasiera emateko, Cristina Alisek hitzaldi bat emango du Musikenen, XIV. eta XV. mendeetako teklarako tablatura-errepertorioa ezagutzeko. Hurrengo egunean, interpretatzaile eta ikerlari berak Ataungo organoa joko du arkeologia-indusketa balitz bezala planteatzen duen kontzertu erakargarri batean.  Organoak Plazara ziklo honetan, Liesbeth Schlumberger hegoafrikar organo-jotzailearekin batera, denboran aurreratuagoak diren Charles-Marie Widor, Olivier Messiaen eta Gilbert Amy frantziar sortzailearen lanak eskainiko ditu Usurbilgo San Salbatore elizan, masterclass bat ere emango du leku berean. Entzuleek artista handi honengandik ere ikasi ahal izango dute Musikenen emango duen “El arte de tocar” hitzaldian. Usurbilgo elizako organoari bisita gidatu batek, bere makineria ikusgarri eta bisualarekin, eta Musikeneko ikasleek eskainiko duten kontzertu batek osatuko dute Gipuzkoako Organoak Plazara aurtengo edizioaren eskaintza. Azken emanaldi hori Donostiako San Bizente elizan izango da eta Musikeneko ikasleek Poulenc-en Organo, hari orkestra eta tinbalentzako obra interpretatuko dute.

Programa osoa hemen