MSKN MASTER ENSEMBLEk, Musikeneko Interpretazio Masterreko ikasleek osatua, bi kontzertu eskainiko ditu datorren astean. Lehena martxoaren 7an izango da, ostirala, 19:30ean Nafarroako Unibertsitateko (Iruñea) MUNen, eta bigarrena martxoaren 8an, larunbata, 19:00etan Musikeneko auditorioan. Bi kontzertuetan, ikasleek mistikoaren eta abangoardistaren nahasketa paregabea arakatuko dute, soinu-esperientzia liluragarria aginduz.

• Iruñea. MUN – Nafarroako Unibertsitateko Museoa (martxoak 7 – 19:30, ostirala) – Sánchez-Verdúren lanaren estreinua

Kontzertu honek José María Sánchez-Verdúren “Libro del jardín de arena” lanaren estreinaldia aurkezten digu Estatuan, bere soinu-paisaia bereziekin. Programak mistikoaren eta abangoardistaren arteko bidaia proposatzen digu, XX. eta XXI. mendeetako estiloen nahasketa aparta, Stravinskyren energia erritmikoa, Villa-Lobosen atmosfera etereoa eta Sánchez-Verdúren sotiltasun oroigarria elkartzen dituena. Kontzertu hau kolore, ehundura eta kontrasteen esplorazio paregabea da, “Concertino”ren dinamismo kutsakorretik “Seikote mistikoa”ren ametsetaraino, “Hondarrezko lorategiaren liburua”ren paisaietatik pasatuz. Amaieran, “Danses concertantes” obraren dotorezia zirraragarria ageri da, errusiar jeinuaren esentzia neoklasikoa azaleratzen duena. Informazio gehiago  hemen

• Musikene (martxoak 8, larunbata- 19:00) – Ravelen 150. urteurrena

Martxoaren 8an, larunbata, ensembleak antzeko programa bat aurkeztuko du Musikenen, baina José María Sánchez-Verdúren obraren ordez, Maurice Ravelen 150. urteurrena omentzeko, euskaldun konpositore honen “Myrrha” kantata interpretatuko da. Greziar mitologian oinarritutako lana, Myrrha printzesa malditaren istorio tragikoa kontatzen duena, jainkoen eraginpean, bere aitak berak debekatutako maitasuna garatzen duena. Orkestazio aberats batekin eta ahots-idazkera adierazkor batekin, Ravelek harmonizaziorako eta orkestra-kolorerako duen talentu goiztiarra erakusten du. 1901ean Erromako Sarirako konposatutako lanak ez zion saria irabazteko aukerarik eman, nahiz eta bere estiloa eta sormena sendotu zituen.Informazio gehiago hemen 

Ez galdu aukera kontzertu hauetaz gozatzeko eta Musikeneko ikasleek errepertorio desafiatzaile bati nola aurre egiten dioten ikusteko, biharko profesionalak izatera eramango dituen talentua eta prestakuntza erakutsiz.