QUANTUM OF SOUND

Instalazio interaktiboa Musikeneko hallean

Musika Garaikidea Sortzeko Arte Irakaskuntzetako Masterreko ikasleek egin dute, Konposizioa baliabide elektroakustiko eta audobisualekin irakasgaiaren barruan: Álvaro Pérez, Adrián Rosato eta Garrett Cole Fry.

Stefano Scaranik eta Zuriñe F. Guerenabarrenak proposatu eta koordinatutako proiektua.

Ikusleak aktiboki parte hartzen du etengabe eraldatzen den ingurune musikal batean. Bere mugimenduek eta sistemarekiko hurbiltasunak sortzen diren soinuetan aldaketak eragiten dituzte, gainjarri eta areagotzen diren musika-elementuen kate bat sortuz (CuMus). Horrela, etengabeko bilakaeran dagoen soinu-fluxua eraikitzen da: koherentea baina aurreikusi ezina, beti ezustekora eta aldaketara irekia.