Musika heziketa Bilboko kontserbatorioan hasi zuen ikasketa ofizialekin (harmonia eta pianoa); beste musika batzuen inguruan ikastaroak eta eskolak jaso zituen, eta heziketa autodidakta ere izan zuen: pop, jazz, e.a.

1983 eta 1990 bitartean zuzeneko musikari modura aritu zen (pianoa, teklatua eta sintetizadoreak) blues, folk eta bestelako musika taldeetan, “Dolphin Blues Band” edo “Mocedades” ahots taldeekin grabazioak eta telebistan emanaldiak eginez. Estudio musikari moduan ere aritu zen.

1990ean jarduera handia hasi zuen musikari aplikatutako teknologia berriei, jabego intelektualari eta egile eskubideei buruzko ikastaroak eta hitzaldiak ematen: Oviedoko Unibertsitatea (1990), SGAE, Madril (1991), Donostiako Kontserbatorioa (1992), Ourenseko Kontserbatorioa (1993), EHUko musika adierazpenaren didaktika Saila (1995), e.a. Horretaz gain, 1997tik Eusko Jaurlaritzaren Hezkuntza Sailarekin elkarlanean aritzen da irakasleentzat trebakuntza planetan ikastaroak emanez.

1997an CM EDICIONES MUSICALES S.L. editoriala sortu zuen, hasiera batean musika inprimatua eta multimediarako audio ekoizpen eta ekoizpen ondoko lanetan, ondoren ganbera, koro eta orkestra musikaren edizioaren inguruan soilik dihardu. Urte horretatik Eusko Jaurlaritzaren hezkuntza sailarekin kolaboratzen du irakasleentzat formazio planen barruan ikastaroak emanez: Irapess, Garatu. Garatu ikastetxeetan.

Musikenen (Euskal Herriko Goi Mailako Musika ikastegian) irakasle da bere sorreratik, 2001-2002 urtetik, hain zuzen ere, eta musika teknologiarekin eta musikaren inguruko industriekin zerikusia duten materiak irakasten ditu.

Gaur egun CM Ediciones Musicales-en editore lana Musikeneko irakasle lanarekin eta ikastaro eta hitzaldiekin uztartzen du.