Hannover-en jaioa, Franz Beyer izan zuen irakasle Munich-eko Musikhoschschule-n eta Siegfried Führlinger berriz Vienakoan. Sandor Vegh, Thomas Riebl eta Alban Berg laukotearekin areagotu zituen ikasketak. Munich-en hasi zuen orkestra ibilbidea Leonard Bernstein eta Sergiu Celibidache-rekin. Vienako Irrati Orkestrako kide izan da eta beranduago biola bakarlari Euskadiko Orkestra Sinfonikoan. Bakarlari gonbidatu gisa aritzen da baita ere Frantzia, Belgika eta Espainiako orkestratan. Vienan bizi izan zen zortzi urteetan Vienako Operako ganbera musika elkarteko eta alt-Wien laukoteko kide izan zen. Hari laukoteen maitale sutsua, Novalis-Quartett sortu zuen 2003an Munichen eta 2009an berriz Isasi Quartet. Azken horrekin Andrés Isasi-ren hari laukoteen integrala grabatua du Naxos zigiluarentzat. Integralaren hiru bolumenak estreinua izan dira mundu mailan eta nazioarteko kritikaren gorespena jaso du. Talde honekin Munich-eko Bayerische Rundfunk eta Karine Deshayes mezzosopranoarekin batera Henri Marteau (1874-1934) konpositorearen hari laukotearentzat integrala grabatu berri du hiru bolumenetan CPO zigilu alemaniarrarentzat. Loïc Mallié-rekin HORTUS zigiluarentzat egin zuen Berlioz-en biola eta organoarentzat bertsioan “Harold Italian” CDak Diapason aldizkariaren 5 diapasoi jaso zituen.

Pavel Vernikov, Philippe Graffin, Jérôme Pernôo, Roland Daugareil, Christoph Henckel, Pascal Devoyon, Yuzuko Hirigome, Daniel Grosgurin bezalako musikari entzutetsuekin eta Ebène, Danel, Klangforum Wien eta Ensemble Modern Frankfurt bezalako taldeekin jo du. Europa eta Amerikatik gonbidapen ugari jasotzen du masterclassak emateko.