MUSIKA-DIDAKTIKA MUSIKA HIZKUNTZA ETA INSTRUMENTUAREN HASTAPENEI APLIKATUA II

Wolfgang Hartmann.

Lehen eta Bigarren Hezkuntzarako Pedagogian lizentziatua Musika eta Alemana espezialitatean Würzburg-eko Unibertsitatean. Bavariako gobernuaren bekadun Mozarteum Unibertsitateko Orff-Institut erakundean gradu ondoko ikasketak egiteko (Salzburgo). Carl Orff Fundazioko zuzendaritza taldeko kide (1999-2007). Musikene, Euskal Herriko Goi Mailako Musika Ikastegian Pedagogia irakasle. Orff-Schulwerk Pedagogian nazioarteko ikastaroak munduko 20 herrialde baino gehiagotan. ISMEren Biurteko Jardunaldietan txostengile (Kuala Lumpur, Malasia 2006; Bologna, Italia, 2008; Porto Alegre, Brasil, 2014) bai eta estatuko hainbat Musika Kongresutan ere.

Xabier Urtasun

Xabier Urtasun. Musikako goi-mailako tituluduna, Pedagogia espezialitatea Musikene-Euskal Herriko Goi Mailako Musika Ikastegian. Stuttgarteko (Alemania) Hochschule für Musik und Darstellende Kunst-en Organo eta Klabeko Interpretazioko Gradua. Musika Ikerketako Masterra Errioxako Nazioarteko Unibertsitatean. Kodály Metodologiako prestakuntza Kecskemét (Hungaria) Kodály Institutean eta Kodály Elkartean, Argentina. Musikene Euskal Herriko Goi Mailako Musika Ikastegiko Pedagogia espezialitateko Kodály irakaslea.

Maite Bilbao.

Musikene, Euskal Herriko Goi Mailako Musika Ikastegian Musika Hizkuntza eta Hezkuntzaren Pedagogian Lizentziatua. Genevako (Suitza) Haute Ecole de Musique-ko Musika Pedagogia, Rythmique Jaques-Dalcroze orientazioan Masterra, Musika Hezkuntzaren Metodoak: Dalcroze irakasgaiaren irakasle Musikene, Euskal Herriko Goi Mailako Musika Ikastegiko Pedagogia espezialitatean. Erritmika-Solfeoa eta Erritmika-aurresolfeoa gaien irakasle Genevako Jaques-Dalcroze Institutuan. Hezkuntza behar bereziak dituzten pertsonentzat Genevako ACTIFS Elkartean kantu koral irakasle.

Lucía Pérez

Pedagogia, Solfeo, Errepentizazio eta Transposizioan Goi Mailako Tituluduna Gasteizko Jesús Guridi Kontserbatorioan. Informazioaren Zientzietan Lizentziatua Euskal Herriko Unibertsitatean. Kazetaritzan Doktorea Madrilgo Complutense Unibertsitatean. Willems Musika Pedagogian Diploma Lyonen (Frantzia). Madrilgo Goi Mailako Kontserbatorioan Perkusio eta Dantza Afrikarretan Diploma. Musika Hezkuntzaren Metodoak: Willems irakasgaiaren irakasle Musikene, Euskal Herriko Goi Mailako Musika Ikastegiko Pedagogia espezialitatean. Gasteizko Jesús Guridi Kontserbatorioan Musika Hizkuntza irakasle titularra.

Koordinatzailea: María José Aramberri

Musikan Goi Mailako Tituluduna, Bilboko Juan Crisóstomo de Arriaga Goi Mailako Kontserbatorioa. Pedagogian (Duestuko Unibertsitatea) eta Psikologian (EHU) lizentziatua. Pedagogian Doktorea, UNEDeko Hezkuntza Fakultateko MIDE II Departamentuan (Madril). Pedagogia espezialitateko irakasle Musikenen, Euskal Herriko Goi Mailako Musika Ikastegian. Ponentziak aurkeztu ditu musika-hezkuntzaren inguruko Jardunaldi eta Kongresuetan eta artikuluak argitaratu ditu eremu honetako estrategia eta gaitasunei buruz, SEM-EE elkartearen Idazkari Orokor modura Musika Hezkuntzari buruzko jardunaldiak eta topaketak koordinatu ditu.

Azalpena

Musika-didaktika Musika hizkuntza eta Instrumentuaren hastapenei aplikatua II lehenengo mailan egindako lanari jarraipena eman nahi dion gradu ondoko ikastaroa da. Aurretik formazio didaktiko honen lehenengo maila egina duten ikasleei zuzendua dago.

Helburua irakasleak, eta interesa duen tituludunak, materia hauetan musika ikasleei zuzendutako musika irakaskuntza estrategia aktiboak bereganatzen, garatzen, eguneratzen eta aplikatzen laguntzea da.

Ikastaroa 4 modulutan egituratzen da, aurrez aurrekoak guztiak. Lehenengo mailako edukiak barneratzeaz gain modulu horiek hainbat eduki multzo izango dituzte, hain zuzen ere musika-hizkuntza eta instrumentuen oinarrizko graduaren bigarren mailako kurrikuloarenak, musika irakaskuntza aktiborako estrategia anitzetatik abiatuz garatuak. Musika bizipena mugimendutik, entzumenetik, kantutik abiatuta, instrumentuaren interpretazioa edo inprobisazioa izango dira aurkezten diren proposamen didaktikoen ardatzak.

Irakatsi ondoren ikasleek maila honetarako proposamen metodologikoak garatu eta aplikatuko dituzte irakasleen on-line aholkularitzaz. Proposamen horiek ikastaro amaierako lan batean jasoko dira, gradu ondokoa amaitzean jendaurrean azalduz ebaluaketa saioan.

Ikastaroa Musikeneko Musika Hezkuntzaren Metodoak irakasgaiaren irakasleek emango dute, musika metodologia ezberdinetan adituak.

50 ordu bertan eta beste 44 norberak egin beharreko lanean

Gutxieneko ikasle kopurua: 8; gehieneko ikasle kopurua: 10

Egutegia

Moduluen egutegia: ostiralak 16’30 – 20’30 (30’ko atsedenaldia)

larunbatak 10’00 – 14’00 (30’ko atsedenaldia)

15’00 – 19’00 (30’ko atsedenaldia)

*Ordutegiek aldaketa txikiak izan ditzakete, matrikulatzen diren ikasleen beharren arabera.

I. Modulua (Dalcroze):

Ostirala, urriak 17

Larunbata, urriak 18

II. Modulua (Kodály) :

Ostirala, azaroak 14

Larunbata, azaroak 15

III. Modulua (Orff):

Ostirala, abenduak 19

Larunbata, abenduak 20

IV. Modulua (Willems):

Ostirala, 2026ko urtarrilak 23

Larunbata, 2026ko urtarrilak 24

Ebaluazio saioa: Ostirala, 2026ko maiatzak 15 (17’30 – 19’30)

Prezioa: 1050€

IZEN EMATEA