Chaya Czernowin konpositorea dugu aurten,“KONPOSITORE HANDIAK GERTUTIK” zikloan.

Musikenek DSS2016 hiriburutzaren laguntzarekin azken hamarkadetako konpositore garrantzitsuenak modu ludiko eta atseginean jendeari hurbiltzeko helburuz antolatzen duen zikloa da.

Proiektuari esker ikusleek sortzaileak aurrez aurre ezagutzen dituzte, beren musikaz hitz egiten duten adituen solasaldietara joateko aukera izaten dute, eta kontzertu bat izaten dute entzungai. Zikloa Helmut Lachenmann musikagile alemaniarraren bisitarekin hasi zen 2016an, eta nazioartean ospetsuak diren Peter Eötvös, Pascal Dusapin, Kaija Saariaho,Toshio Hosokawa eta George Benjamin bezalakoekin jarraitu du. Aurten ere proposamenarekin aurrera jarraituko dugu, Czernowin maisua Donostiara hurbilduz.

Sarrera librea eta doakoa lekua bete arte