GANBERA MUSIKA ESPEZIALITATEA PIANISTENTZAT
IRAKASLEA: BENEDICTE PALKO
Azalpena
Ikastaroa ganbera-musikako errepertorioan sakondu nahi duten pianistei irekita dago, beren ganbera taldearekin edo gabe.
Ikastaroaren ardatza pianistak taldeen zentro gisa duen gaitasuna garatzea da; lidergorako eta gidatzeko gaitasuna handituz; laguntzaile eta bakarlari rola erabiliz, ganbera-musikan ezinbestekoak diren bi baldintza, eta instrumentu desberdinen premia berezietara egokituz. Piano-gaitasunak indartzea helburu duen errepertorioa prestatuko da, eta obrak irakaslea eta ikaslearen artean hautatuko dituzte. Pianistak bere ganbera-taldeko musikariekin parte hartu ahal izango du.
Matrikulatutako pertsonek, ikastetxeak hala proposatuta, Musikenek programatutako jarduera instrumentaletan edo hitzarmena duten beste musika-talde batzuekin lankidetzan egiten direnetan kolaboratzaile gisa parte hartu ahal izango dute euren borondatez.
Irakasleak ganbera errepertorioaren ezagutza zabala eskaintzen du, Sevillako Turina Jaialdiaren Zuzendari Artistiko izan baita 2004. urtetik hona. Ganbera musika interpretari ere izan da hainbat formaziotan azken 30 urteotan. Ikastaroak, gainera, musikari gazteak autonomiaz eta independentzia artistikoaz heztea du helburu, ganbera musikaren ateak nazioartean zabaldu ahal izateko. Egitarau bat modu zuzenean nola egin ere landuko da, erakundeei eta antolaketei nola aurkeztu, eta nork bere kontzertuak nola antolatu ere bai. Irakasleak bere esperientzia jarriko du ikasleen eskura, nazioartean ospe handiko jaialdi baten zuzendari izateaz gain kontzertu asko ere egin baititu.
Egutegia
Ikasturteak ordu t’erdiko 12 saio izango ditu, guztira 18 eskola ordu. Nork bere kontura ikasteko ordu kopurua 150 dira, ikasturtearen 30 astetan. Gehienenez 5 ikasle. Data zehatzak irakasleak eta ikasleek adostuko dituzte bien eta ikastegiaren aukeren arabera.