Angel Molinosek Musikene-Euskal Herriko Goi Mailako Musika ikastegian, Sibelius Akademian (Helsinki) eta Codarts – University of the Arts-en (Rotterdam) ikasi du, azken horretan klarinete eta klarinete baxua espezialitateetan Masterra lortuz.

Bere errepertorioak obra klasikoak eta egungo musika hartzen baditu ere, urteetan zehar konpromiso sendoa hartu du musika garaikidea sustatzearekin. Bide horrek obra asko estreinatzera eraman du, eta konpositoreekin zuzeneko elkarlanean aritu da horietako asko sortzerakoan.

2009. urtetik Finlandian du jarduera artistiko nagusia, bakarlari gisa emanaldiak eta ganbera musikako kontzertuak izaten baititu, herrialdeko orkestra eta ensenble nagusiekin kolaboratzeaz gain.

Gaur egun doktoretza artistikoa amaitzen ari da klarinete baxuak musika garaikidean duen rolaren inguruan Helsinkiko Sibelius Akademian. Ikerlari laguntzaile eta klarinete baxuko irakasle gisa ere lan egin du bertan.

2020tik klarinete baxuko irakasle da Musikenen.