Musikene lehen aldiz Durangoko Azokan!

Azken urteotan, Musikenek ekoizpen editorial eta diskografiko oparoa garatu du, bere jardun akademiko, ikertzaile eta artistikoaren emaitza gisa, bai musika klasikoaren arloan, bai musika modernoaren eta euskal musika tradizionalaren arloan. Lan horiei beste hainbat proiektu gehitzen zaizkie, Eresbil – Euskal Musikaren Artxiboa– eta UPV/EHUk bezalako erakundeekin elkarlanean gauzatuak, zentroak ikerketarekin, sorkuntzarekin eta musika-ondarearen hedapenarekin duen konpromisoa agerian utziz.

Lehen aldiz, liburu, disko eta aldizkari horiek guztiak herritarren eskura egongo dira Durangoko Azokan, Musikenek herrialdeko kultur erakusleiho nagusian duen presentzia sendotuz. Ekimen hau urratsa erabakigarria da publiko orokorrari eta euskal gizarteari zentroan sortzen den ezagutza hurbiltzeko, bere jardun artistiko eta ikertzailea partekatzeko, eta musika eta kultura ikuspegi ireki eta parte-hartzaile batetik sustatzeko.

Informazio gehiago hemen