Bilatu

erabiltzaileen guneamusikenet

Hautaketa prozesua

Ikasleak aurrez aurreko sarrera proba publiko baten bitartez hautatuko dira. Izena ematerakoan hala adierazi duten interesdunek proba bideokonferentziaz egiteko aukera izango dute, ikastegira etorri gabe.

Izen ematea

Izen emate egunak: 2018ko uztailaren 20tik irailaren 9ra

Interesdunek izen emate-orria bete eta Musikeneko helbidera edo master@musikene.eus helbide elektronikora bidali beharko dute, NANaren edo indarreko pasaportearen kopia eta Master ikasketa ofizialetan sartzeko eskatzen den titulazioaren espediente akademikoaren kopia batekin batera.

Sarrera probak:

Egunak: 2018ko irailaren 17an arratsaldean (contrabaxua eta biolontxeloa), 18an arratsaldean (biolina) eta 19 goizean (biola). Hautagai bakoitzak izena emandakoan jasoko du dagokion ordutegia.

Sarrera probaren egitura:

1) Instrumentuarekin errepertorio librea interpretatzea* (gehienez 20 minutu).

2) Instrumentuaren orkestra errepertorioaren bat-bateko irakurketa proba.

Kalifikazioa: 1 proba: 80%  /  2 proba: 20%

*Hala behar duten obrak laguntzailearekin jo beharko dira eta hautagaiek beraien laguntzailea ekar dezakete. Musikenek ere musikari laguntzaileak hautagaien eskura jarriko ditu izen-emate orrian hala eskatzen dutenentzat eta kontzeptu horri dagozkion tasak ordaindu dituztenentzat.

Epaimahaia hiru irakaslek osatuko dute, azterketaren helburu diren instrumentuetan adituak. Euskadiko Orkestra Sinfonikoko aditu batek ere parte hartuko du.

Plazarik hutsik geratuz gero, beste sarrera-proba batetarako deialdia egin ahal izango da  irailean, behar den moduan iragarria ikastegiko web orrian.

Sartzeko betebeharrak

Irakaskuntza artistikoen Goi Mailako Titulu ofiziala izatea, Graduatu titulu ofiziala edo Goi Mailako Irakaskuntzaren Esparru Europarreko erakunde batek luzatutako baliokidea izatea, edo titulu horien ikasketak 2017/2018 ikasturtean amaitzea.

Goi Mailako Esparru Europarretik kanpoko tituludunek ere sarbidea izango dute, aurrez dagokion hezkuntza administrazioak ziurtatu behar duelarik heziketa maila baliokidea dutela.

Matrikula egiterakoan titulua aurkeztea eskatuko da (edo berorren eskubideak ordaindu izanaren frogagiria). Gaur egun azken ikasturtea egiten ari diren ikasleek berori amaitutakoa aurkez dezakete dokumentazio hori. Azken kasu horretan dokumentazioa 2018ko urriaren 15aren aurretik aurkeztu beharko da.

Musikene Mail
Azaroa 2018
As As As Os Os La Ig
      01 02 03 04
05 06 07 08 09 10 11
12 13 14 15 16 17 18
19 20 21 22 23 24 25
26 27 28 29 30