Errumanian jaioa, bere gurasoen eskutik hasi zituen biolin ikasketak sei urte zituela, ondoren Craiova-ko Liceul de Arte-n jarraitzeko. 10 urterekin egin zuen lehendabiziko debuta Olteniako Orkestra Filarmonikoarekin, eta hamalau urterekin Lehenengo Saria jaso zuen Cintarea Romanei jaialdian.

Ondoren Donostian bizitokia ezarri eta goi mailako biolin ikasketak amaitu zituen, Bikain kalifikazioa eta Karrera Amaierako Ohorezko Saria lortuz. Bestelako sariak ere lortu ditu, hala nola lehenengo saria Murtziako Gazte Orkestra lehiaketan, Lehenengo Saria Manresa hiriko Nazioarteko Ganbera Musika Lehiaketan, eta Ohorezko Aipamena Donostiako “Nicanor Zabaleta Bertutetsu Handiak” Nazioarteko Lehiaketan. 1992. urtean Euskadiko Orkestra Sinfonikoan hasi zen beste talde batzuekin ere aritzen zen bitartean, hala nola Cum Laude Ganbara Hirukotea, Cadem Laukotea eta Neofusión Boskotea. 2005ean New Jersey-ko Kean Unibertsitateko Errektoretzaren gonbidapena jaso zuen eskola magistralak eta zenbait kontzertu emateko. Gaur egun biolin irakasle da Musikene eta kontzertino Conductus Ensemble eta Camerata Cambrensis taldeetan.